Kina pulaarparput? På dansk
In English
Atia: Vlora
Ukiui: 15
Kinaassusia: Niviarsiaraq
Nunaa: Kosovomi inunngorpoq, maanakkulli Danmarkimi qimaasunut najugassiami najugaqarluni
Ilaqutai:
Ningiua: Tahire
Arnaa: Shukrie
Ataataa: Abdullahu
Qatanngutai: Angajui; Nasmia (21nik ukiulik), ania Hasim (18nik ukiulik) aqqaluaalu
Ansim (13nik ukiulik)
Meeqqat pisinnaatitaaffii:
Ikinnerussuteqartutallaaserisaq 30
Sakkulersorlutik akerleriittutallaaserisaq 38
|
Case 7 Vlora maannakkorpiaq Amagerimi qimaasut najugaqarfiani najugaqarpoq. Nammineq ilaquttanilu, ningiuat, arnaa, angutaa, qatanngutai niviarsiaqqat marluk aamma qatanngutai nukappiaqqat marluk, 1999mi upernaakkut Kosovaminngaaniit qimaapput, taamani albanerit serberinik qimaatinneqarmata. Vlora meeqqat allat ilagalugit ulloq, qimaasut najugaqarfiani Amagerimiittumi, aallarnetarpaat. Ullaakkut makittarpoq, atuarlunilu ikinngutinilu ilagalugit. Ilinniartitsisut qimarngivimiittut, meeqqanik angallasisartorujussuupput, misigisimasatik sakkortuut eqqarsaatigivallaanginniassammatigik. Vlora unnukkut qimarngivimmi inuusuttut suki saarsaartarfianiittarpoq . Nunaqarfimmini ikinngutini maqaasivai, periarfissaqartinneqarninilu tamaasa oqarasuaatikkut oqaloqatigisarlugit. Maanakkullu nunaqarfimminnut utersimaqqilerput, qimarngereersimanermillu kingorna inuuneq nutaaq aallartillugu. Vlora ilaqutaalu upernaap tungaanut Danmarkimiiginnarallassapput. Illuat najugaqarfigineqarsinnaangilaq aammalu ukiortinnagu illu uluarsarnissaa naammatoorsinnaangilaat. Vlora uternissaminut qilanaarpoq angerlaruni inuuneq nutaaq kiffaangissusilik aallartissagamiuk, serberinik naalagaaniartunik ilaqaratik. Serberinik atuaqateqaqqinnginnissani oqiliallaatigisimaqaa. Siornatigut atuarfik marloqiusanngorlugu avinneqarsimavoq, serberit qulaani albanerillu ataani. Vlora qangaamalli isiginnaartitsisunngorusuttarpoq, qimarnguimmilu quianartumik ilaaffigisamik isiginnaartitsinikuupput. Taassumap saniatigut spaniamiut filmiliaat asannittulersaarutit nuannarilluinnarpai. Maqaasineq qimannerlu Vlorap angajui Danmarkimiiginarallarusupput, nunasivinnatik immaqalu ukiualunni; inuuneq nutaaq maanakkut allartereerusuppaat upernaamut ilaqutariit uterlutik aallarteqqinnissaat utaqqinagu. Qimarnguimmi utaqqineq sivisoqaaq. Kisiannili Vlora angajunilu 17nik ukiulik atuartarput, ajornanngikkaluarpallu maannakkut angerlarusunnerugaluarput, upernaarulu angerlarnissartik aamma ajorinngilaat. Ilaqutariinnik periarfissaqaleraangat angerlartuartoqartarpoq. Qimalernerlu, inunnut taamak amerlatigisunik misilittagaqaqatigisimasanut alianartaqaaq. Ikinnguterpassuillu inuulluaqqussallugit. Ilaqutariit aallaleraangata nuannaaqatigiittarput, oqallittarput qiasarlutillu. Ilaqutariit sisamattallimat ukiusussat kisinngorupput. Nunaqarfeeqaminngaaniit qimaaneq Ulloq taanna qimmaagamik qaaqqusaqarput nereqatigiillutillu. Pulaartui qanittukkut namminneq illuminninngaaniit anisitaasimapput. Nerisareersimalersullu serberit politiivi takkupput oqarlutillu7 minuttit tallimat qaangiutsinnagit illuminngaaniit anereersimassasut, taamaangippat toqunneqassagamik. Nunaqarfitsik, albanerit allat ilagalugit takisuumik tulleriiaarlutik qimappaat. Naluaallu sumukassanerlutik. Nalunngilaat, serberit politiivisa angutit inuusuttut malersornerigaat, taamalillunilu Vlorap ania toqqortariaqarsimavoq taamaalillunilu ilaquttaminiit tammarluni. Aatsaallu aqaguani Pristinap qimuttuitsunut inuttarfiani nassaaralugu. Ulloq unnuarlungajak unittarfimmiipput taavalu Makedoniamut ingerlaqqillutik, tassanilu tammaarsimaffinni assigiingitsuni marlunni sapaatit akunneri arfineq pingasut najugaqarlutik. Tassanngaaniit Danmarkimut pipput. |
Ukiut 10-it meeqqat ataatsimiinnermi isumaqatigiissutigisaat
